Daryl Ong: Hindi po ako ang umalis sa ABS-CBN. Tinanggal po ako.

Bugoy Drilon | Darly Ong | Photo from Where in Bacolod 

Maninit na pinag-uusapan ngayon ang paglantad at pagsiwalat ng tunay na nangyari sa pagkawala ng dalawang Kapamilya singers na si Daryl Ong at Bugoy Drilon sa ABS-CBN network, kung saan sila nagsimula at nakilala bilang mga magagaling ng mang-aawit.

Sa inilabas na video ni Ong, denetalye niya ang pinag-uugatan ng pagkatanggal nila sa Kapamilya network, ito ay dahil lang sa kanilang napag-uusapan at nakapagbigay komento sa naging sitwasyon ng ABS-CBN tungkol sa kinakaharap nitong problema sa prangkisa.

“Yun nga po. Hindi po ako ang umalis sa ABS-CBN. Tinanggal po ako. Banned po ako. Dahil nga dun sa insidente na napagkwentuhan namin ang franchise issue and nakarating sa isang boss, at ang impression sa kanila e may kinakampihan kami.” salaysay niya.


“Nakakalungkot lang na hindi kami nabigyan ng chance magpaliwanag or hindi man lang kami kinausap ng boss na nag-ban sa sa amin,” dagdag niya.


Darly Ong | Photo from Love Radio

Nagsimula umano ang kanilang diskusyon habang naghihintay ng kanilang flight para sa isang show sa Iloilo at naging parte nga dito ang usapin tungkol sa ABS-CBN franchise renewal kung saan nabuksan ni Bugoy ang tugkol sa online petition upang makalikom ng 1-milyon pirma para sa istasyon.

“Parang sabi ni Bugoy, 60,000 na lang yung kulang para mabuo yung one million. Ako naman nakita ko rin yun. Ang pagkakakita ko naman 60,000 pa lang yung nagsa-sign. So sabi ko kay Bugs hindi, hindi 60,000 na lang, 60,000 pa lang at anong petsa na… May deadline po kasi yun eh nung time na ‘yun,


“Tapos nagdagdag ako ng comment na, sabi ko, mahirap ‘yan, naku malabo na yan, mahirap yan, kalaban ba naman nila ang gobyerno, si Presidente ba naman ang kalaban, so malabo na yan,”

Ngunit ang hindi nila alam, nakuhanan na pala ng recording
ang kanilang naging buong usapan mula sa lalaki na nakatabi nila sa airport at naiparating nito sa isang Big boss ng Kapamilya network.

BuDaKhel | Photo from Philstar


“Yung guy na nag-record sa convo namin about franchise issue, nagkataon na kaibigan pala ng isa sa mga big boss sa ABS-CBN. So apparently, pinarinig ‘yung recording at ang dating sa kanila wala kaming utang na loob or parang pinag-uusapan namin yung franchise issue and it seems na wala daw kaming concern,”

“Ang dating sa akin personally, ang impression sa kanila is kumakampi kami sa fact na hindi mare-renew yung license. So, hindi na kami nabigyan ng chance magpaliwanag,” dagdag niya.

Hindi narin naging malinaw kung vinideo ba kami or niricord yung audio, so yung mga kwenento, yung mga binanggit na details na nandun sa recording hindi rin ma-verify kung ano ba talaga kasi hinihingi namin yung recording ayaw rin naman din ibigay samin, isip ko rin na baka kasi illegal wiretapping yun,


“’Daryl banned kayo ni Bugoy sa ABS.’ Meron ng batas na bawal na kami lumabas sa lahat shows ng ABS-CBN,”

Darly Ong | Photo from Philstar

Labis din ang pasasalamat ni Ong sa lahat ng mga tao na naging instrumento sa naging magandang career niya bilang isang magaling na singer ng ABS-CBN network.

“Wala na po ako sa ABS-CBN. Wala na po ako sa Kapamilya network. Pero wala po akong galit sa Kapamilya network. Wala po akong karapatan na hindi maging mapagpasalamat dahil sila naman talaga ang nagbigay ng oppputrtunity sa akin bilang artist na makatawid sa mainstream. Kaya habang buhay kong ipagpapasalamat yun.”

***
Source:  Daryl Ong

Stay updated with the latest news and trends by hitting the LIKE button. Thank you!

Post a Comment

0 Comments